|
12.03.2010 18:13
 Ալիսա Գեւորգյան
«Ռադիոլուր»
Հայաստանում 460 հազար աշխատող 520 հազար կենսաթոշակառու է պահում, երբ արժանապատիվ թոշակ ապահովելու համար չորս աշխատող պետք է պահեին ընդամենը մեկ կենսաթոշակառուի£ Մասնագետներն ասում են, որ ժողովրդագրական խնդիրների հետեւանքով 20 տարի անց աշխատող քաղաքացիների թիվը Հայաստանում կրկնակի կնվազի£ Կենսաթոշակային կուտակային համակարգը, ըստ կառավարոկթյան ներկայացուցչի, գալիս է կարգավորելու ոչ միայն այս խնդիրները, այլեւ կնպաստի, որպեսզի ստվերից վերջապես դուրս բերվեն իրական աշխատավարձերը£
Բարեկեցիկ կենսաթոշակ խոստացող համակարգը, սակայն, ըստ կառավարման փորձագետ Հարություն Մեսրոպյանի, լուրջ ռիսկեր է պարունակում£ Նախ՝ նրա համոզմամբ ճգնաժամի հետեւանքով համակարգի ներդրման մեկ տարով հետաձգումն արդեն մտածելու առիթ է տալիս£ Փորձագետի տրամաբանությամբ՝ եթե համակարգը նահանջեց այս փորձության առաջ, ապա ինչ երաշխիքներ կան, որ այն կդիմանա հետագա փորձություններին£
«Հետաձգման պատճառներն ավելի շատ տեխնիկակակն էին»,- արձագանքելով փորձագետի դիտարկմանը նշեց ՀՀ ֆինանսների նախարարության ֆինանսական շուկայի զարգացման վարչության պետ Կարեն Թամազյանը£
«Մինչ արժեթղթերի շուկայի կայացումը կենսաթոշակային նոր համակարգը Հայաստանում արդյունավետ չի գործի, այլապես քաղաքացիների գումարները կհոսեն մի օղակ, որն իրականում չի գործում »,- ասում է Հարություն Մեսրոպյանն՝ իր մտահոգություններն արտահայտելով նաեւ համակարգի պարտադիր սկզբունքի վերաբերյալ£
Փորձագետի համոզմամբ համակարգի ներդրման գոնե առաջին տարիներին կենսաթոշակային կուտակային հիմնադրամները պետք է ձեւավորվեն բացառապես կամավոր սկզբունքներով£
!
Լրատվությունը արտատպելու կամ օգտագործելու դեպքում հղումը Հայաստանի Հանրային Ռադիոյին պարտադիր է:
Տպելու տարբերակ
Վերադառնալ
|
