|
13.03.2010 19:10
 Սիրանույշ Մուրադյան
«Ռադիոլուր»
Այսօր ՀՀՊ նախագահ Սերժ Սարգսյանը հրավիրել է Ազգային անվտանգության խորհրդի նիստ: Նախագահը անվտանգության խորհրդին ներկայացրել է նաեւ Ֆրանսիա այցի արդյունքները՝ կարեւորելով փաստը, որ Ֆրանսիան ոչ միայն Եվրամիության անդամ եւ ԵԱՀԿ Մինսկի խմբում ներառված երկիր է, այլ նաեւ Հայաստանի լավագույն բարեկամներից մեկը, անվտանգության խորհրդի նիստից հետո պատմեց խորհրդի քարտուղար Արթուր Բաղդասարյանը:
Առանցքային հարցերը, որ այսօր քննարկել է Անվտանգության խորհուրդը, վերաբերել են զորակոչի խնդիրներին, նաեւ հավանություն են տվել ոստիկանության գործունեության ոլորտում 2010- 2011թթ. բարեփոխումների համալիր ծրագրին:
Զորակոչի կազմակերպման ու անցկացման մասին այստեղ աշխատելու տեղ, ըստ անվտանգության խորհրդի քարտուղարի, կա:
«Կան թերությւոններ£ Այստեղ արդար համակարգն անհրաժեշտ է, որ փողով, ծանոթով չգնան ծառայեն£ Վիճակագրությունը ցույց է տալիս, որ 1- 3 տարի տարկետում ձեռքբերածներն այդպես էլ չեն ծառայում՝ կամ զորակոչային տարիքն է լրանում, կամ էլ ամուսանում, երեխաներ են ունենում»£
Բարեփոխումներ ոստիկանության համակարգում: Բարեփոխումների այս ձեռնարկը, ի դեպ, Հայաստանի ստանձնած պարտավորությունների կատարումն է` Եվրոպայի խորհրդի, ԵԱՀԿ-ի եւ Եվրամիության հետ համագործակցության շրջանակում: Դրանից բացի ոստիկանական համակարգի բարեփոխումով նախատեսվում է մեծացնել հասարակության վստահությունը ոստիկանության նկատմամբ :
«Ամբողջ աշխարհում ընդունված է՝ բուհեր են ավարտում, ստանում ոստիկանի կոչում£ Հայաստանում նման բան չկա»,- ասաց նա£
Կոռուպցիա, թրաֆիկինգ, փողերի լվացում, կիբեռհանցագործություններ. սրանք են հիմանկան այն ուղղությունները, ըստ Արթուր Բաղդասարյանի, որոնցում բարեփոխումներով նախատեսվում է հսկողության ուժեղացում: Ժամանակցույց էլ կա. «բոլոր այս գործերը պարատավոր ենք կատարել 2010-2011 թվականների ընթացքում»:
!
Լրատվությունը արտատպելու կամ օգտագործելու դեպքում հղումը Հայաստանի Հանրային Ռադիոյին պարտադիր է:
Տպելու տարբերակ
Վերադառնալ
|
