|
10.03.2010 12:49
 Նվարդ Դավթյան
«Ռադիոլուր»
ՀԺԿ նախագահ, Հայ ազգային կոնգրեսի անդամ Ստեփան Դեմիրճյանն այսօր «Հայացք» ակումբում ողջունել է ԱՄՆ Կոնգրեսի ներկայացուցիչների պալատի արտաքին հարաբերությունների հանձնաժողովում Հայոց ցեղասպանության ճանաչման մասին բանաձեւի ընդունումը:
«Սակայն քիչ հավանական է, որ հարցը մտնի լիագումար նիստի օրակարգ»,-ասել է Ստեփան Դեմիճյանը` հաշվի առնելով բանաձեւի ընդունումից հետո պետքարտուղար Քլինթոնի եւ այլ պաշտոնյաների հայտարարությունները:
«Հազիվ թե հարցը մտնի Կոնգրեսի օրակարգ, ցավոք, իհարկե, հազիվ թե Օբաման խոսի ցեղասպանության մասին: Կարծում եմ` կլինի այն, ինչ եղավ անցած տարի: Հազիվ թե Թուրքիան, թեկուզ որոշ վերապահումներով, վավերացնի արձանագրությունները: Կարելի է ասել, որ տվյալ պահին գործընթացը փակուղի է մտել»:
!
Լրատվությունը արտատպելու կամ օգտագործելու դեպքում հղումը Հայաստանի Հանրային Ռադիոյին պարտադիր է:
Տպելու տարբերակ
Վերադառնալ
|
